Materialarekin oso haserre agertu dira Gonzalez eta Laskurain

«Oso haserre gaude. Oso zaila da eskaini diguten materialarekin pozik geratzea». Gonzalezen hitzek argi laburbildu zuten Aspeko bikoteak atzo zuen haserrea.Hala, aukeraturiko pilotak ez dira nahi bezain onak izan Azkaineko aurrelariaren aburuz: «Hiru pilotetatik, bakarra da ona». Haserreak haserre, 105,7; 105,1 eta 104,9 gramoko pilotak aukeratu zituen bikoteak etzi jokatuko den finalerdietako partidarako.

Olaizola II.ak eta Beginok arazo gutxiago izan zituzten. 106,6; 106,2 eta 105,3 gramoko pilotak hautatu zituzten partidarako. Gaur, 11:30ean pilota aukeraketa izango da Xala-Barriola eta Irujo-Merino II.a partidarako.