Mendizabal III.ak 17 tantora dauka finala

ESKU-HUSKA. Izugarri sufrituta irabazi zion herenegun Aitor Mendizabalek Stephane Lemunori (21-22), Bigarren Mailako finalerdietako ligaxkako bigarren jardunaldian, Antzuolan. Mendizabal III.a 11-21 aurretik izan zen, baina larri ibili zen azkenean 22. tantoa egiteko. Azken jardunaldian nahikoa du Albisuren aurka 17 tanto egitea. Ataundarrak 19-22 irabazi zion Ongairi, eta finalean sartzeko aukera badauka oraindik.