Mikel Unanueren azkeneko partida gaur

Pilotari ibilbideari agur esango dio gaur arratsaldean Mikel Unanuek (39 urte; Añorga, Gipuzkoa). Tolosako (Gipuzkoa) pilotalekuan jokatuko du, Beotibarren. Ruben Beloki izango du lagun Unanuek, eta aurkariak Juantxo Koka eta Kepa Peñagarikano izango dituzte.

Ia hogei urtean aritu da Unanue pilotari profesional gisa, eta ia 1.200 partidatan jokatu du. 1987ko abuztuaren 2an egin zuen debuta, Zarautzen (Gipuzkoa): Peña-Mendia / Unanue-Errasti izan zen partida; 19 urte zeuzkan.

1999an lau t'erdiko txapelketa irabazi zuen, eta Jokin Errastirekin binakakoa ere irabazita dago, 1998an.

ETB1ek zuzenean emango du partida (18:05). Gauerdian errepikatu egingo dute (23:55).