Bere ibilbide profesionaleko milagarren partida jokatu du bart Roger Federerrek (Suitza, 1981), Australiako Irekian, eta finalerdietara sartzea lortu du, Juan Martin del Potrori 6-4, 6-3 eta 6-2 irabazita. 30 gradu zirela aritu dira.
Rafael Nadal izango du kontrario orain. Nadalek 6-7, 7-6, 6-4 eta 6-3 hartu du mendean Tomas Berdych.
Federerrek lau aldiz irabazi izan du Australiako Irekia, eta oraingoa Grand Slam torneo bateko 30. finalerdia izango du. Hamasei Grand Slam txapelketa irabazi ditu —harena da marka—: Australiako Irekia 2004, 2006, 2007 eta 2010ean, Wimbledon 2003, 2007 eta 2009an, AEBetako Irekia 2004 eta 2008an eta Roland Garros 2009an.
