Milko Bjelica pibotak Baskonian jokatuko du hurrengo denboraldian. Montenegroko pibotak bi urterako kontratua sinatu zuen joan den udan, baina klubak hitzarmen hori hausteko klausula gorde zuen beretzat. Klausula hori Baskoniak liga txapelketa bukatu eta 15 eguneko epea pastua arte zegoen indarrean, eta, behin epe hori pasata, Baskonia Milko Bjelicaren lanarekin kontent dagoela ulertu behar da.
Klausula horren arabera, musu truk urra zezakeelako adostasuna. Aurrerantzean ere kontratua eteteko aukera izango du Baskoniak, baina trukean diru saria eman beharko dio jokalariari. Musu truk egiteko aukera izan duenean egin ez badu, pentsatzekoa da ez duela egingo ordaintzera behartuta dagoenean.
Taldearen berrikuntzen inguruan, ia ziurtzat ematen da Teletovicek NBAra egingo duela jauzia. Hilaren 28an da draft-a, jokalari gazteen hautaketa, eta, egun hori iritsi arte, ez da berririk jakingo. Prigioni eta Nocioniri kontratua berritzeko eskaintza egingo diela jakinarazi du Kerejetak.
Milko Bjelica 2013a arte
Pibotaren kontratua eteteko aukera zeukan Baskoniak, musu truk, baina ez du eten, eta taldean jarraituko du
Iruzkinak
Ez dago iruzkinik
Ordenatu
