Zabaletik pilota bat jotzerakoan, giharretan zartada bat nabaritu du Juan Martinez de Irujok. Tantoa ahal zuen moduan amaitu, eta aldegelarako bidea hartu du Iberokoak, 7-4koarekin. Bost minutu geroago kantxara itzuli den arren, ezin izan du jarraitu. Ondorioz, partida bertan behera gelditu da, eta 22-7 galdu du Irujo-Barriola bikoteak, Artola-Albisuren kontra.
Sendagileak bihar artatuko du Martinez de Irujo, uzkurdura edo haustura duen jakiteko. Nolanahi ere, ia ezinezkoa du hurrengo astean jokatzea, eta hamabost egun barrukora iristen saiatuko da —Bengoetxea VI.a-Aretxabaletaren aurkakora—.
Horrenbestez, ligaxkako zazpigarren puntua eskuratu dute Artola eta Albisuk, eta Irujo-Barriola bikotea gainditu dute sailkapenean.
