Mirandes-Athletic Espainiako Kopako finalerdietako joanekoa datorren asteartean jokatuko da, 22:00etatik aurrera. Miranda de Ebron (Burgos, Espainia) bertan ariko dira, Anduva zelaian, klubak baztertu egin duelako Gasteizen jokatzea.
Itzulikoa ere asteartez jokatuko dute, otsailaren 7an, 22:00etan.
Beste finalerdian Bartzelonak Valentzia edo Levante izango du aurkari. Biok gaur gauean jokatuko dute itzulikoa; joanekoan Valentzia 4-1 garaile.
Urrutia gustura Bielsarekin
Josu Urrutia Athleticeko presidentea gustura azaldu da gaur Marcelo Bielsa entrenatzailearekin, eta uste du hura dela "entrenatzailerik egokiena proiektu honetarako". Ekainera arteko kontratua du Bielsak.
