Amaitzeko momentua iritsi dela erabaki du Egoitz Murgoitiok (Abadiño, Bizkaia, 1983). Buruak agindu dio uzteko. "Motibazio faltan", ziklo-kroseko ibilbide oparoari atea ixtea erabaki du bizkaitarrak. Indarrean ekin zion denboraldiari, Badenen (Suitza), hirugarren postua lortuta. Laugarren postua lortu zuen gero Txekiar Errepublikan, eta garaipena ere bai Eslovakian, Udica-Prostneko lasterketan. Emaitza on horiek hauspotuta, Munduko Kopa buru-belarri lehiatzea zeukan buruan Murgoitiok denboraldi honetan. Baina ezetz esan dio barruak. Erorketa handi samarra izan zuen azaro amaieran, Koksijden (Flandria), Munduko Kopako proban, eta burua altxatu ezinik ibili da ordutik. Denboraldiaren bigarren erdian lehiatzeko ia aukerarik gabe, 30 urte beteta nahikoa dela erabaki du abadiñarrak.
Txirrindlaritza
"Motibazio faltan", erretiroa hartzea erabaki du Egoitz Murgoitiok
Fisikoki hainbestean, baina psikologikoki nekatuta, ziklo-kroseko profesional bideari atea ixtea erabaki du bizkaitarrak.
Iruzkinak
Ez dago iruzkinik
Ordenatu
