Espainia 5-16 nagusitu zaio Australiari gizonezkoen waterpoloko B multzoko ligaxkako laugarren jardunaldian, eta modu horretan lidertza sendotu du. Alberto Munarriz nafarra berriro nabarmendu da, eta gaurkoan bi gol sartu ditu. David Martin Espainiako selekzioaren hautatzailearen konfiantzazko jokalarietako bat da.
Ligaxkako aurreneko lau partidak irabazi ditu Espainiako selekzioak: 12-13 Serbiari; 6-8 Montenegrori; 16-4 Kazakhstani; eta gaur 5-16 Australiari. Ligaxkako azken partida asteartean jokatuko du Kroaziaren aurka, Euskal Herrian 08:30ak direnean. Final-laurdenak abuztuaren 4ean izango dira. Munduko eta Europako txapeldunordea izaki, dominetarako hautagaietako bat da Espainia.
