Laukizko Gaztedi elkarteak nazioarteko sokatira txapelketa antolatu du, bere 50. urteurrena ospatzeko. Datorren asteburuan izango da lehiaketa.
Europa osoan 2011rako aurreikusita dagoen torneo onenetakoa izango da, antolatzaileen hitzetan: "Lau izarreko txapelketa". Gainera, Erresuma Batuan irailean jokatuko den Europako txapelketarako "balio handiko testa" izango dela azpimarratu dute.
Lehiaketa emakumeen zein gizonen kategorietan egingo da, baita mixtoan ere. Laukizko Gaztedi taldea bera gailendu zen mixtoen kategorian Hegoafrikan.
