Murgoitiok min hartu zuen Munduko Kopako proban

ZIKLO-KROSA. Egoitz Murgoitiok (Hirumet) ezin izan zuen amaitu herenegun Namurren (Belgika) jokatutako Munduko Kopako proba, lurrera erori eta min hartu baitzuen ezker orkatilan eta berna-hezurrean. Abadiñoarrak, hala ere, espero du larunbatean Laudion aritzea (Araba), Euskadiko Txapelketan. Laudion Javier Ruiz de Larrinaga (MMR-Spiuk) izango du aurkari nagusia. Arabarra 41.a izan zen Namurren.