Naoki Matsuda japoniarra hil da, bihotzekoak jota

NAZIOARTEA. Naoki Matsuda 34 urteko japoniarra atzo hil zen bihotzekoak jota. Joan den asteartean, Matsumoto Yamaga taldearekin entrenatzen ari zela eman zion bihotzekoak. Ordutik, egoera larrian zegoen ingresaturik, atzo arte. Hasiera batean bero kolpe bat zela zirudien, baina ospitalean eginiko frogek baztertu egin zuten lehen hipotesia. Japoniako selekzioarekin 40 aldiz aritu zen, 2000 eta 2005 artean.