Naroa Agirrek 4,50eko altuera gainditu du baina 4,55 metrotara listoi altuegi geratu zaio. Atenasko joko olinpikoetan egin zuen bezala seigarren postua eskuratu du gaur ere.
Bestalde gaur goizean altuera jauziko sailkapen frogan aritu da Marta Mendia nafarra. Mendiak 1,93ko jauzia egin du baina bigarren saioan, eta ez du lortu altuera jauziko finalean sartzea. Zortzi atleta sailkatu dira, eta nafarra bederatzigarren postuan geratu da sailkapen frogan. Beste bi atleta sailkatu dira lehenengo saiakeran Mendiaren marka bera egin eta gero.Nafarra triste zegoen lehenengoan gainditzea lortu ez duelako."Lehenengoan lortu izan banu finalean egongo nintzateke. Horregatik atsekabetuta nago", esan du.
Atletismoa /pista estaliko munduko txapelketa
Naroa Agirrek seigarren postua eskuratu du pertika jauziko finalean
Bere marka ontzea lortu zuen atzo Naroa Agirrek eta pertika jauziko finalean izan da gaur. Espainiako marka berriz ezarri zuen atzo Agirrek 4,50 metrotan. Listoia 4,50 metrotan gainditu du gaur ere, bigarren saioan. Ezin izan du, baina, 4,55 metrokoa gainditu. Hiru saio egin ditu eta hiruetan kale. Horrenbestez pertika jauziko finalean seigarren sailkatuta amaitu du Moskun egin beharreko lana.
Iruzkinak
Ez dago iruzkinik
Ordenatu
