Baskoniak neurriko aurkaria izanen du gaur Buesa Arenan. Valentzia hartuko du, Bartzelonarekin batera emaitza bolada gozoena daraman ACB ligako taldea. 14-2 balantzea lortu du Valentziak Pesic entrenatzaile lanetan hasi zenetik, azaroaren 14an. Emaitza onak, eta jokoa ere ona eta eraginkorra. Talde osatua, luzea du Valentziak, eta Victor Claver eta James Augustine min hartuta badaude ere, kontuz Valentziarekin, baliabide asko eta onak baititu. Pesicen taldea neurriko aurkaria da Baskoniarentzat, garaipen bat gehiago baitu une honetan sailkapenean.
C. L. BASKONIA-VALENTZIA
Txapelketa. ACB ligako 24. jardunaldia.
Caja Laboral Baskonia. Ribas, Huertas, Logan, Oleson, San Emeterio, Teletovic, Bjelica, Batista, Pape Sow eta Barac.
Valentzia. Cook, Simeon, De Colo, Rafa Martinez, David Navarro, Marc Fernandez, Jeremy Richardson, Listxuk, Savanovic eta Javtokas.
Sailkapena. Baskonia 4. da: 14-9 (+ 114); postu bat gorago dago Valentzia: 15-8 (+ 42).
Tokia. Buesa Arena (9.763 ikusle).
Ordua. 20:30 (Teledeporte).
Neurriko aurkaria izango du gaur Baskoniak, ligako hirugarren postua helburu duela
Valentziak bi partida bakarrik galdu ditu azaroaren 14az geroztik; Lauko Finalean kontrario izan litezke bi taldeak
Iruzkinak
Ez dago iruzkinik
Ordenatu
