Vicenzo Nibali (Liquigas) izan da Tirreno-Adriatikoko irabazlea, zazpigarren eta azken etapan —9,6 kilometroko erlojupekoa— Christopher Horner gaur arteko liderrari aldea kendu ostean —honek sei segundoko aldea zeukan—. Horner bera gelditu da bigarren sailkapen nagusian, hamalau segundora. Hirugarren Roman Kreuziger, 26ra.
Etapa Fabian Cancellarak (RadioShack) eraman du, San Benedetto del Tronton (Italia). Daniele Bennati geratu da bigarren, hamabi segundora. Hirugarren Cameron Meyer, hamaseira.
