Igandean lehiatuko da Sugoi Uriarte judoka gasteiztarra Olinpiar Jokoetan. Zozketan, Nicat Xikaliza Azerbaijango judokarekin lehiatzea egokitu zaio. 66 kiloz azpiko mailan ariko da gasteiztarra.
Garaipen bana dute elkarren aurka Xikalizak eta Uriartek. 2014ko apirilekoa da bien arteko azken borroka, eta gasteiztarra nagusitu zen. Xikaliza gaindituz gero, Sebastian Seidl alemaniarra izango du aurrean, eta haren aurka hiru aldiz lehiatu da Uriarte; behin irabazi dio alemaniarrari.
@sugoi66 Nicat Xikaliza Azebaijango judokaren aurka hasiko da jokoetan. @berria#Rio2016#berriarionpic.twitter.com/vg3Oa1ie2n
— IMANOL MAGRO (@Imagreto) 2016(e)ko abuztuak 5
Dominen atarian geratu zen Uriarte duela lau urte, Londresko Olinpiar Jokoetan, eta arantza hori atera nahiko du oraingoan.
