Norvegia, bigarrenez munduko txapeldun

ESKUBALOIA. Norvegiako selekzioak pronostikoak bete zituen herenegun Sao Paulon (Brasil), Munduko Txapelketako finalean, eta 32-24 irabazi zion Frantziari. Bigarren txapela da norvegiarrentzat, eta Brasilen irabazita, 2012ko Londresko Olinpiar Jokoetarako sailkatu dira. Brontzezko domina, berriz, Espainiarentzat izan da, Danimarkari 18-24 irabazi ostean.