Odenek ez du gehiago jokatuko sasoi honetan

SASKIBALOIA. Burua ezin altxatu dabil Greg Oden Portland Trail Blazerseko pibota. Ia urtebeteko lesiotik guztiz osatua zegoela zirudienean, min hartu du berriro, eta ez da gehiago arituko denboraldi osoan. Eskuin belaunean mikrohaustura bat du, eta ebakuntza egingo diote. Lau denboraldi daramatza NBAn, eta lesionaturik eman ditu bi urte eta bost hilabete.