Olaetxeak eta Albisuk 15 tanto behar dituzte

ESKU-HUSKA. Heldu den asteburuan erabakiko da nor diren Bigarren Mailako binakakoaren finalerako bikoteak. Herenegungo emaitzen ondoren, Olaetxeak eta Albisuk dute errazen, Gorka eta Merinoren aurka 15 tanto egitearekin aski baitute. Apezetxeak eta Ceciliok euren esku dute, horretarako Idoate eta Galarzari irabazi behar diete. Gorka-Merinok irabazi eta aldeko beste emaitza bat behar dute. Idoate-Galarzak, berriz, ia ezinezko dute sailkatzea.