Olaizola II.a eta Apraiz sanantolinetako finalean

PILOTA. Lekeitioko sanantolinetako bigarren finalerdian Olaizola II.a eta Apraiz nagusitu ziren atzo (22-12), Titin III.aren eta Zubietaren aurka. Bihar jokatuko da finala, Santi Brouard pilotalekuan. Atzoko garaileek Berasaluze VIII.a eta Beginoren aurka jokatuko dute. Azken horiek 22-13 irabazi zieten herenegun Martinez de Irujo eta Pascuali. 17:00etan hasiko da jaialdia.