Olaizola II.ak proba bat egingo du gaur Bilbon

PILOTA. Aimar Olaizola Bilboko Bizkaia pilotalekuan izango da gaur arratsaldean, proba bat egiteko. Goizuetako aurrelaria medikuaren kontsultan egon zen atzo, eta medikuak babes bat egin dio ezker eskuko hatz luzean jartzeko. Olaizola II.ak aitortu du oraindik min duela, baina ahal duena egingo duela abenduaren 4an Juan Martinez de Irujoren aurka lau t'erdiko finala jokatzeko.