Ordiziak uko egin dio Challenge kopan aritzeari

ERRUGBIA. Ordiziak uko egin dio datorren sasoian Europako Challenge kopa jokatzeari. Egunak pasatu ditu aukera hori aztertzen, baina kluba ez zorpetzea lehenetsi du ezetz esateko garaian. Joan den asteburuan jaso zuen Goierriko taldeak Challengea jokatzeko gonbidapena, Quesos Entrepinaresek, Espainiako Ligako garaileak, bertan jokatzeari uko egin eta gero.