Orica Greenedge Australiako taldeak egun bikaina izan du gaur, bikoa egin baitu Paris-Nizan eta Tirreno Adriatikoan irabazita. Frantziako proban, Michael Albasini suitzarrak irabazi du laugarren etapa, 40 bat txirrindulariko tropeleko esprintean azkarrena izanda. Sailkapen nagusian ez da aldaketarik, eta Andrew Talansky estatubatuarrak (Garmin) jarraitzen du lider. Gorka Izagirre (Euskaltel-Euskadi) bosgarren postuan da, bost segundora.
Tirreno Adriatikoan ere tropeltxo bateko esprintean erabaki da bigarren etapako garaipena, eta azken metro horietan Goss izan da azkarrena. Sailkapen nagusian Mark Cavendish Man Uhartekoak (Omega Pharma-Lotto) jarraitzen du lider.
