Gaizki hasi, eta ondo amaitu. Hala laburbildu daiteke Oriok Galiziako uretan asteburu honetan eginikoa. Euskotren Ligako bigarren saioa egin dute gaur eguerdian, Coruñan, eta hiriko bandera eraman dute oriotarrek.
Ez zuten erraza. Lehenengo saioan, atzo, hirugarren geratu ziren. Beraz, gaurkorako erronka Arraun Lagunak traineruak atzo ateratako 5,48 segundoak jatea zen. Donostiarrak ere hiru segundo atera zizkion.
Lau segundo ehunekoengatik gailendu dira azkenean. Bigarren luzea izan da erabakigarria. Donostiarrek Hondarribia aurreratu zuten azken metroetan.
Edonola ere, atzoko hirugarren postua ordaindu du Oriok, eta Arraun Lagunak da Euskotren Ligako burua.
