Pablo Berasaluze Asegarce enpresako pilotariak orpazurda hautsi zuen atzo eskuz binakako txapelketako finalean, eta, egin dizkioten azterketen arabera, "erabat" apurtuta dauka.
Asegarcek eman du lesioaren larritasunaren berri. Ostegunean edo ostiralean egingo diote ebakuntza Berrizko pilotariari, bihar ebakuntza aurreko probak egin eta gero.
Ebakuntza egin eta hogei bat egunera egongo da Berasaluze errehabilitazioan hasteko moduan, eta, lehen kalkuluen arabera, sei hilabete beharko ditu erabat osatu eta berriro ere lehiatu ahal izateko.
