Osasuna eta Ogasunaren arteko akordioa, aurki

FUTBOLA. Osasunak ogasunari ordaindu beharreko diru kopuruaren atzerapena bide onean dago. Halaxe esan zuen atzo Elena Torres Nafarroako Gobernuko Kirol Gaietarako kontseilariak: «Akordioa laster lortuko dugu, baina Osasunak badaki zorra kitatu beharra daukala. Murrizketen garai honetan ezin dugu halakorik onartu». Torresen arabera, taldeak 27,9 milioi euro zor ditu.