Burua altxatu ezinik jarraitzen du Osasunak. Aurkari zuzen baten aurka galdu du gaur; etxean, gainera. Talde gorritxoa Ninok aurreratu du (7. minutuan), baina sakontasunik aurkitu ezinik aritu da, eta larrutik ordaindu du. Gola sartuz geroztik ezinean aritu da Mendilibarren taldea. 40. minutuan berdindu du neurketa Mainzek, eta 48.ean sartu du garaipenaren gola Dani Benitezek.
Mendilibarrek aldaketak agortu ditu bigarren zatian, baina ez du deus ere lortu. Joseba Llorentek aukera ona eduki du luzapenean, baina atezaina ongi aritu da. Hala, jaitsiera postuetan sartu da Osasuna, eta Eguberrietako oporrak ezingo ditu lasai igaro.
