Osasunak Ogasunarekin duen zorraren berregituraketa onartu du Nafarroako Parlamentuak

Nafarroako Ogasunarekin 53 milioi euroren zorra du Osasunak; zorra 75 milioirena da guztira, bankuak eta gainerako hartzekodunak kontuan hartuta. Onartutako legearen arabera, besteak beste, klubak bere ondarea emango dio Nafarroako Gobernuari —Sadar futbol zelaia, Tajonarreko instalazioak eta Iruñean dituen bi solairu—. Ondare horrek duen balioa 53 milioietatik deskontatuko da, eta gainerako zorra ordaintzeko hiru urteko moratoria izango du, interesik gabe.