Pablo Laso fitxatu du Bruesak entrenatzaile posturako

Bruesa Donostiako saskibaloi taldeak gaur arratsaldean jakinarazi duenez, Pablo Laso fitxatu du hurrengo denboraldian entrenatzaile izateko, eta bihar aurkeztuko dute. Gasteiztarra da Laso eta 39 urte dauzka. Denboraldi honetan ACBn aritu da Bruesa, baina jaitsi egin da.

Laso entrenatzaile modura Espainiako maila desberdinetan ibili izan da: Ceramicas Leonirekin LEB2n, Pamesarekin ACBn eta, denboraldi honetan, Lobos Cantabriarekin LEB1en.

Jokalari bezala 19 denboralditan aritu zen ACBn, ia denak Tau Baskoniarekin. Haren beste taldeak: Real Madril, Caceres, Casademont Girona, Caprabo Lleida, Unicaja eta Forum.