Partida bukaera ikusgarria jokatuta banakako txapelketako finalzortzirenetan izango da Retegi, Jokin Altunaren aurka. Hasieratik joan da atzetik, eta hor abantaila nabarmena atera dio Victorrek pilotakada zorrotzak joaz.
Hala, markagailuan 10-16 zihoazenean azken indarrak atera eta apurka-apurka abantaila gutxitzen joan da Retegi, 14-16ra heldu arte. Une horretan berriz ere bost tanto egin ditu jarraian Victorrek 15 eta 21era heldu arte. Ordea, partida ez zen amaitua, eta Retegik markagailua goitik behera irauli du zortzi eta hutseko partziala eginez, eta 22-21 irabaziz.
Elezkano eta Arteagaren arteko partidan, berriz, erabat nagusitu da lehena eta 22-6 irabazio du. Artola izango aurkari final zortzirenetako partidan.
