Irregulartasun ekonomikoez gain, Espainiako Futbol Liga Profesionalak (LFP) partiden erosketaren harira aurkeztutako salaketa ikertzen ari da Iruñeko 2. Instrukzio Auzitegiko epailea.
Bidegabeko jabetzea eta partikularren ustelkeria salatu ditu LFPk. Bi auziak prozedura bakarrean batu ditu epaileak, Nafarroako Justizia Auzitegiak jakinarazi duenez.
Espainiako Poliziak gaur goizean atxilotu ditu Miguel Artxanko Osasunako presidente ohia, Angel Bizkai kudeatzaile ohia eta Txuma Peralta zuzendaritzako kide ohia, eta haien etxeak miatu dituzte.
