Paul Martens gailendu da hirugarren etapan

TXIRRINDULARITZA. Paul Martensek (Raboank) altxatu zituen bi besoak atzo Burgosko Itzuliko hirugarren etaparen helmugan. Martens ustekabean nagusitu zen, tropelean tiraka ari zela inor ez baitzen gai izan hari jarraitzeko. Dani Morenok (Katuxa) jarraitzen du lider, atzo bigarren izan baitzen. Mikel Astarloza (Euskaltel-Euskadi), berriz, ihesean ibili zen luzaroan, baina ez zuen saririk jaso.