Pedro Alcala Real Unionen ariko da, Malagak utzita

FUTBOLA. Real Union ari da taldea osatzen, eta, hutsune handienak atzealdean dituenez, Pedro Alcala erdiko atzelaria ekarri du. Malagak utzita ariko da Irunen. Bestalde, atzotik taldearekin ari da lanean Maicon Baggio brasildarra. Erdiko atzelaria da bera ere, eta proba egingo dio klubak, balekoa den jakiteko. Egoera berean da Walter del Rio argentinarra.