Baionako Moderne pilotalekuko beirazko pareten artean jokatu da igande goizean trinketaren buruz buruko finala. Mathieu Ospital (Urepele, Nafarroa Beherea, 1993) eta Peio Larralde (Hazparne, Lapurdi, 1993) zire aurrez aurre, eta hasiera batean aurrena bazen ere faborito, Modernen jokatzeak aukerak nagusitzen zizkion Larralderi, eta bera nagusitu da.
Hasiera-hasieratik aurretik jarri da Larralde, eta Ospitalek ez du lortu joerari buelta ematerik. Dena atera zaio ondo Larralderi, eta erraz nagusitu da.
