Perurenak 300 kilokoarekin egingo du saioa

HARRI-JASOTZEA. Inaxio Perurenak bizpahiru aste barru egingo du marka ahalegina 300 kiloko harriarekin, abenduaren 3-4ko asteburuan edo hurrengoan. Herenegun «oso entrenamendu ona» egin zuen etxean, eta arantza ateratzeko prest dago. 2009ko abenduaren 31n egin zuen azken saioa, Asteasun, baina berdintzeko garaian atzeraka erori zitzaion harria.