Txirrindularitza
Petacchik irabazi du Giroko hamabigarren etapa
Fassa Bortolo taldeko Alessandro Petacchik irabazi du Italiako Giroko hamabigarren etapa. Etapa esprintean erabaki da. Gaurkoa aurtengo edizioan Petacchik lortzen duen bigarren garaipena da; orotara 17 etapa irabazi ditu italiarrak Giroan. Bihar aurtengo Giroko etaparik erabakigarrienetakoa izango da. Txirrindulariek Mezzocorona eta Ortisei/St. Ulrichen artean dauden 218 kilometroak egin beharko dituzte. Gaurko etaparen ostean ez dago aldaketa handirik sailkapen nagusian.
Adituek iragarri bezala, gaurko etapa esprintean erabaki da. Txirrindulariek Alleghe eta Roveretoren artean dauden 178 kilometroak egin behar izan dituzte; bidean mendate bakarra igo dute: S. Pellegrino. Mendate gogorra izan arren, etaparen hasieran zegoen, eta sprinterrak dituzten taldeak ihesaldi guztiak bertan behera uztea lortu dute. Azken metroetan, Alessandro Petacchi nagusitu da.
Iruzkinak
Ez dago iruzkinik
Ordenatu
