Petter Solberg norvegiarra Citroenekin lehiatuko da

Rallyak. Petter Solberg lehiara bueltatuko da Norvegian, heldu den otsailaren 13an, Munduko Rally Txapelketako bigarren proban. Norvegiarra Citroenen auto pribatu -ez da gidari ofiziala izango- batekin ariko da. Sebastien Loeb eta Dani Sordo dira gidari ofizialak. Solberg talderik gabe geratu zen iazko denboraldia amaitutakoan, Subaruk aurten talderik ez ateratzea erabaki zuelako.