Pierrick Fedrigok (Fdj) irabazi du Frantziako Tourreko 15. etapa —Samatan eta Pau artean, 158,5 kilometro—. Sei txirrindulariko ihesaldian izan da Voeckler (Europcar), Vandevelde (Garmin), Doumolin (Cofidis), Devenyns (Omega Pharma) eta Nicki Sorensenekin batera (Saxo Bank). Azken kilometroetan taldetxotik aurrera egin du Vandevelderekin batera, eta honek ez dio aurrea hartzeko imintziorik ere egin esprintean. Oso erraz irabazi du Fedrigok.
Vandevelde izan da bigarren, hortaz, eta Voeckler hirugarren.
Pelotoiak indarberritzeko baliatu du gaurko eguna. Esprinterren taldeek ez dute garaipenaren jokoan sartu nahi izan, nahiz eta ibilbidea esprintean amaitzeko egokia izan. Saikapen nagusian ez dago aldaketarik eta Bradley Wigginsek jarraitzen du lider.
Bihar atseden eguna izango dute txirrindulariek, Tour honetako azkena. Etzitik aurrera Pirinioak izango dituzte zain.
Orain arteko etapak
- Aitzin-etapa (6,4 km-ko erlojupekoa) Irabazlea: Fabian Cancella. Liderra: Fabian Cancella.
- 1. etapa. Irabazlea: Peter Sagan. Liderra: Fabian Cancellara.
- 2. etapa. Irabazlea: Mark Cavendish. Liderra: Fabian Cancellara.
- 3. etapa. Irabazlea: Peter Sagan. Liderra: Fabian Cancellara.
- 4. etapa. Irabazlea: Andre Greipel. Liderra: Fabian Cancellara.
- 5. etapa. Irabazlea: Andre Greipel. Liderra: Fabian Cancellara.
- 6. etapa. Irabazlea: Peter Sagan. Liderra: Fabian Cancellara.
- 7. etapa. (lehen mailako mendatean bukatu da) Irabazlea: Christopher Froome. Liderra: Bradley Wiggins.
- 8. etapa. Irabazlea: Thibaut Pinot. Liderra: Bradley Wiggins.
- 9. etapa (41,5 km-ko erlojupekoa). Irabazlea: Bradley Wiggins. Liderra: Bradley Wiggins.
- 10. etapa.Irabazlea: Thomas Voeckler. Liderra: Bradley Wiggins.
- 11. etapa (lehen mailako mendatean bukatu da). Irabazlea: Pierre Rolland. Liderra: Bradley Wiggins.
- 12. etapa.Irabazlea: David Millar. Liderra: Bradley Wiggins.
- 13. etapa. Irabazlea: Andre Greipel Liderra: Bradley Wiggins.
- 14. etapa. Irabazlea: Luis Leon Sanchez. Liderra: Bradley Wiggins.
- 15. etapa. Irabazlea: Pierrick Fedrigo. Liderra: Bradley Wiggins.
