PILOTA . San Fermin Torneoa hasiko da Labriten, eta Zortzi t'erdiko finalak jokatuko dira Deportivon

Sanferminen inguruan joan ohi da egunotako pilota jarduna, baina badira gaurko bestelako hitzorduak ere. Esku-huskako jaialdi nagusia Iruñeko Labrit pilotalekuan jokatuko da: binakako San Fermin Torneoko estreinako partida. Aimar Olaizola txapelduna eta Iñaki Otxandorena Asegarcekoak ariko dira batetik, eta Augusto Ibañez Titin III.a eta Iñigo Pascual Aspekoak bestetik. Aspaldiko partez arituko dira gaur Olaizola II.a eta Titin III.a lehian aurreko koadroetan. Partida ederra irten liteke. Gaurko irabazleek San Fermin Torneoko finalerdietako partida jokatuko dute astelehenean, Bengoetxea VI.aren eta Belokiren kontra.

Erremintak bi hitzordu nagusi ditu: Zortzi t'erdiko pala txapelketako finala, Deportivon, eta erremonteko San Fermin Torneoko finalerdia, Uharteko Euskalen. Deportivon, Esteban Gaubeka eta Vladimir Lujan ariko dira Gaubeka buruz buruko txapelduna ere bada. Euskalen, Zeberio II.a-Eizagirre eta Altuna II.a-Lizaso ariko dira, finalerako txartelaren bila.

-

Jaialdiak

ATZOKO EMAITZAK

Euskal: Gorriz-Agirrezabala 23; Zalakain-Martinez I.a 30. Ezkurra-Gaztelu 40; Altuna I.a-Urrutia 30.

Banakako San Fermin Torneoa (finalerdia): Sarasua 27; Iñigo 35. Iribarren-Badiola 25; Matxin III.a-Urko 30.

GAURKO PARTIDAK

Iruñea (17:00, Tele 5): Berasaluze VIII.a-Pinedo / Del Rey-Nalda III.a. San Fermin Torneoa: Olaizola II.a-Otxandorena / Titin III.a-Pascual. Koka-Medina / Galarza V.a-Auxkin.

Lesaka (17:30): Chafee-Almandoz / Larralde-Arizmendi. Eugi-Eulate / Capellan-Apeztegia.

Euskal (16:30): Matxin IV.a-Astibia / Larrea-Ion. San Fermin Torneoa (finalerdia): Zeberio II.a-Eizagirre / Altuna II.a-Lizaso. Altuna I.a-Aizpuru / Bitoria-A. Lekunberri. Juaristi-Auzmendi / Agirresarobe-Etxeberria III.a.

Deportivo (18:00): Zortzi t'erdiko finalak. 2. Maila: Urkijo / Aierbe. Lehen Maila: Gaubeka / Lujan.