Garaipen handia eskuratu du gaur Tadej Pogacarrek. Frantziako Tourreko irabazlea txirrindulari bikaina da klasiketarako ere, eta beste behin erakutsi du, Alaphilippe eta Valverde bezalako espezialistei aurrea hartuta.
Aurtengoa Liege-Bastogne-Liege lasterketaren 107. aldia izan da, eta, beste behin, argi geratu da irabazi nahi izanez gero, ezinbestekoa dela une oro eta ondo kokatuta joatea tropelean lasterketak irauten dituen 259 kilometroetan. Gaur ere mugimendu asko izan da tropelean eraso erabakigarria heldu den arte: Michael Woods kanadarrarena. Roche-aux-Falcons mendatean gora jo du, helmugarako hamahiru kilometroren faltan, eta eutsi dioten bakarrak izan dira amaierako esprintean garaipena jokatu dutenak: Pogacar, Alaphilippe, Gaudu eta Valverde.
ðŸÂ 🇸🇮@TamauPogi bat 🇫🇷@alafpolak1 au sprint pour l'emporter ! 💪
— Liège-Bastogne-Liège (@LiegeBastogneL) April 25, 2021
ðŸÂ 🇸🇮@TamauPogi outsprints 🇫🇷@alafpolak1 to claim the win! 💪 #LBLpic.twitter.com/bk2vdUdsAI
Esprintean, aurrean kokatu da gaur 41 urte bete dituen Alejandro Valverde. Lehendik ere modu horretan garaipen handiak lortutakoa da espainiarra (2018ko Munduko Txapelketan, besteak beste), baina gaur bera baino aurkari indartsuagoak zituen gurpilean. Alaphilippe izan da aurrea hartu dion lehena, baina hura ere eskuinetik aurreratu eguneko garaileak: Pogacarrek.
Lehen euskalduna Alex Aranburu izan da: Astanako txirrindulariak 21. postuan amaitu du, eta 30. izan da Omar Fraile haren taldekidea.
