Pozik dago Pardo, lehen taldeko kide izango baita

REALA. Ruben Pardo pozik azaldu da datorren sasoian Realeko lehen taldeko jokalaria izango delako. «Ilusioa egiten dit, eta gogor borrokatuko naiz denboraldi-aurrean sasoi betean egoteko eta taldean toki bat egiteko», esan zuen atzo. 19 urteko erdilariak aitortu zuen «hunkitu» egin zela Mikel Aranbururen agurrean haren ordez zelairatu zenean, azpeitiarra izan baita haren «idoloetako bat». Pardok 343 minutu jokatu ditu denboraldi honetan.