TONY MARTIN
Gehiagoren esperoan beti
•Jaioteguna. 1985eko apirilaren 23a.
•Jaioterria. Cottbus (Alemania).
•Ibilbidea. Gerolsteiner (2005), Thuringer Energie (2006-2007), HTC-Columbia (2008-2010) eta Highroad (2011tik).
•Lorpen garrantzitsuenak. 2008an Alemaniako Itzuliko etapa bat; 2009an Nazioarteko Kriteriumeko etapa bat, Suitzako Itzuliko beste bat eta hirugarren Munduko Txapelketan; 2010ean Suitzako Itzuliko etapa bat, Alemaniako erlojupeko Txapelketa, Eneco Tourra (eta etapa bat) eta hirugarren Munduko Txapelketako erlojupekoan; eta 2011n Paris-Niza (eta etapa bat), Euskal Herriko Itzuliko etapa bat eta Dauphineko eta Tourreko beste bat.
EGUNEKO SUSTOA
Gilbert erortzeko zorian egon da
Etapako lehiatik kanpo ibili zen atzo Philippe Gilbert (Omega Pharma-Lotto), baina belgikarrari inoiz ez zaio gustatzen amore ematea. Atzo ere bete-betean aritu zen erlojupekoan, baina, arazo mekanikoak tarteko, lurrera erortzeko zorian egon zen. Denborarik onenetan 72.a egin zuen azkenean, 5.19ra.
EGUNEKO DESILUSIOA
Fabian Cancellara
Tour guztian itzalean ibili da Fabian Cancellara (Leopard-Trek), apal samar, eta atzo ere ez zuen saio onik egin. Etapa irabazteko faboritoen artean zegoen, baina denborarik onenetan zortzigarrena egin zuen azkenean, Tony Martinekiko 1.42 minutu galduta.
