TONY MARTIN
Erlojupekoetan, maisu handia
•Jaioteguna. 1985eko apirilaren 23a.
•Jaiolekua. Cottbus (Alemania).
•Debuta. 2005ean, Gerolsteiner taldearekin.
•Ibilbidea. Gerolsteiner (2005), Thuringer Energie (2006-2007), HTC-Columbia (2008-2010) eta HTC-Highroad (2011).
•Lorpen garrantzitsuenak. 2008an, Alemaniako Itzulia; 2009an, Nazioarteko Kriteriumeko etapa bat, Suitzako Itzuliko etapa bat eta hirugarren Munduko Txapelketan, erlojupekoan; 2010ean, Suitzako Itzuliko etapa bat, Alemaniako txapeldun erlojupekoan eta hirugarren Munduko Txapelketan, erlojupekoan; eta 2011n Paris-Niza (eta etapa bat) eta Euskal Herriko Itzuliko etapa bat.
EGUNEKO BESARKADA
Patxi Vilak Marzio Bruseghini emana
Arrabolan beroketak egiten ari zela, bisita berezia izan zuen atzo Marzio Bruseghinek: Patxi Vila. Beratarrak BERRIAri aitortu zionez, orain gutxi hamar egun igaro ditu Bruseghinen etxean. Juanma Garate ere agurtu zuen Vilak.
EGUNEKO ZARTAKOA
Pablo Urtasun erori egin da erlojupekoan
Ez zitzaion ezer gertatu, eta gaitzerdi. Baina Pablo Urtasunek (Euskaltel-Euskadi) kolpe handia hartu zuen atzoko erlojupekoan. Altxatu, eta etapa amaitzeko gai izan zen bizkaitarra, baina minduta iritsi zen helmugara.
