Radclifferen maratoiko marka onartu dute

ATLETISMOA. Nazioarteko Atletismo Federazioak (IAAF) atzera egin du, eta ontzat eman du Paula Radcliffe britainiarrak maratoian lortutako munduko marka (2.15,25). Radcliffek 2003ko apirilean lortu zuen munduko marka hori, baina IAAFek hura baliogabetzeko asmoa zuen, gizonezkoek eta emakumezkoek elkarrekin korritutako maratoi batean lortu baitzuen marka.