Raikkonenek ez die aterik itxi McLareni eta Ferrariri

1 FORMULA. Kimi Raikkonenek urtebeterako berritu du kontratua Lotusekin, baina dagoeneko urrutirago begira jarri da finlandiarra. Atzo adierazi zuenez, ez die aterik itxi McLareni eta Ferrariri. «Zergatik ez naiz itzuliko urteren batean?». Pozik dago Lotusen egiten ari den lanarekin. «Baina irabazi egin nahi dut nik, eta hobetu beharra daukagu». Hirugarren dago Munduko Txapelketan.