Real Madril-Bartzelona partida jokatuko da gaur

ESPAINIAKO LIGA. Real Madrilek eta Bartzelonak elkarren aurka jokatuko dute gaur Bernabeun. Bartzelonak zortzi puntu ateratzen dizkio Real Madrili, zazpi partida falta direla; beraz, katalanek irabaziz gero, ia patrikan lukete titulua. Bi taldeok lau aldiz jokatu dute elkarren aurka 18 egunetan: Ligan, Kopako finalean eta Txapeldunen Ligako finalerdietan.