Real Madrilen ahaleginak ahalegin, Bartzelona da faborito argia

Ligako aberatsenak dira, futbol talde erraldoietako kirol atalak, eta ligako beste inork erabili ezin duen dirutza erabiltzen dute. Bartzelonak irabazia dio borroka Real Madrili azken urteotan. Elkarren aurka jokatu duten azken hamasei partidetako balantzea kataluniarren aldekoa da nabarmen: 14-2. Pablo Laso iritsi da Real Madrilera, eta jokalari bikainak ekarri dizkiote: Rudy Fernandez, Martinas Pocius, Jaycee Carroll... Eta, halere, Bartzelona faborito. Juan Carlos Navarro Europako Txapelketako jokalari onena duelako, eta Ricky Rubioren ordez Marcelinho Huertas fitxatu duelako. 21:30ean jokatuko da partida.