Reala Bigarren Mailara jaistear da, Athleticek aurrerapausoa eman du

Espainiako Bigarren A Mailara jaistear da Reala, gaur galdu egin duelako Osasunaren kontra (2-0). Athleticek, aldiz, aurrerapauso handia eman du salbatzeko, Mallorcari 1-0 irabazita. Jaitsierako haien arerio emaitzak:Levantek 2-3 irabazi du Racingen kontra, Betisek 2-1 galdu du Celtaren zelaian.

Gaurko emaitzak direla-eta, Realak (33 puntu) lau puntura du hurrengoa, 17.a (salbazioa esan nahi duen postua). Athletic da, hain zuzen, 17.a, eta, gainera, gol aldea berea da Realarekin. Beraz, Realak Liga bukatzeko geratzen diren bi partidak irabazi beharko ditu eta Athleticek bietako bat galdu. Betis da 16.a, 37 punturekin (gol aldea berea du Realak). Levantek 39 ditu.

Osasuna-Reala partidan, etxekoek lehen zatian sartu dituzte bi golak. 1-0ekoa David Lopezek egin du (26. minutuan), 2-0ekoa Nekounamek (33.ean), Bravok huts handia eginda. Miguel Angel Lotina Realeko entrenatzaileak bigarren zatian De Zerio eta Herrera aurrelariak atera ditu, baina alferrik.

Athletic-Mallorcan, Ismael Urzaizek egin du partidako gol bakarra, bigarren zatian, penaltiz (64. minutuan).

Realak hurrena etxean du partida, Racingen aurka. Ligako azkena Valentziaren zelaian. Athleticek hurrena Vila-realen zelaian, eta azkena etxean, Levanteren kontra. Bi astera jokatuko dira hurrengo partidak.

Espainiako Lehen Maila

36. jardunaldia. Emaitzak

Valentzia-Vila-real 2-3

Real Madril-Deportivo 3-1

Bartzelona-Getafe 1-0

Athletic-Mallorca 1-0

Celta-Betis 2-1

Racing-Levante 2-3

Osasuna-Reala 2-0

Recreativo -Espanyol 0-1

Nastic-Atletico Madril 0-2

Sevilla-Zaragoza 3-1

Sailkapena

1. Real Madril 72 puntu

2. Bartzelona 72

3. Sevilla 70

4. Valentzia 65

5. Zaragoza 58

6. A. Madril57

7. Vila-real 56

8. Getafe 52

9. Recreativo 50

10. Racing 49

11. Espanyol 48

12. Mallorca 48

13. Deportivo 44

14. Osasuna 43

15. Levante 39

16. Betis 37

17. Athletic 37

18. Reala 33

19. Celta 33

20. Nastic25

*Partidu bat gutxiago

Alavesek bost puntura jaitsiera

Bigarren A Mailan Real Madril Castillak gaur galdu egin du (2-3 Teneriferen kontra) eta hori oso ondo etorri zaio Alavesi (0-2 irabazi zuen atzo Xerezen). Izan ere, Alavesek jaitsiera postuko aurrena orain bost puntura du (Castilla bera). Hiru partida falta dira Ligako bukatzeko.