Emaitza: Levante 0-4 Reala
Golak. 0-1 Carlos Vela (8'), 0-2 Imanol Agirretxe (35'), 0-3 Illarramendi (81'), 0-4 Carlos Vela (84').
Realak partida orekatu eta sendoa jokatu du, gainera, golak une erabakigarrienetan lortu dituzte. Velak egin du lehenengoa zortzigarren minuturako eta Agirretxek bigarrena 35. minutuan. Levantek gola egiteko aukera garbiak izan ditu atsedenaldiaren aurretik, baina ez du asmatu.
Bigarren zatian berriz, ondo kontrolatu du partida Realak. Kontraerasoan bereizki min egin dute txuri-urdinek. Azken hamar minutuetan sartu dituzte norgehiagoka erabaki duten golak.
