Parekotasun handiko partida izango zela uste zen, baina Realak astindua eman dio Logroñori, Lehen Mailako hamahirugarren jardunaldian, gaur, Zubietan. Talde osoak egin du lan aparta sailkapenean puntu bat goitik zeukan aurkaria menderatzeko, baina jokalari baten izena nabarmendu behar da: Nahikari Garcia. Urnietako aurrelariak hiru gol sartu ditu, hirurak lehen zatian (14. minutuan, 31.ean, eta 37.ean; azkena, penaltiz).
Beste bi golak bigarren zatian egin ditu Realak. Barbara Latorrek sartu du laugarrena, 61. minutuan, eta Carla Bautistak bosgarrena, 78. minutuan. Garaipen honekin, txuri-urdinak seigarren postura igo dira behin-behinean.
